قصيدة الشاعر / خلف الوهيداني

الله مــن قلب(ن)عـنـا الـوقـت يـبــراه
قلب(ن)بـراه مـن اقشـر الوقـت بـاري
الـوقــت ضــــده والـلـيـالـي تــحــداه
وفـيـه العـنـا والـهـم بـايـع وشـــاري
والـحــظ زاد الـقـلـب بالـفـعـل بـلــواه
وصبـري نفـذ مافـاد طــول أنتـظـاري
للصبـر حـد أن طــال وقــت المعـانـاه
ماهـي سوالـف جمـع مـال ومـصـاري
منـهـو فـعـل شـر(ن)جـزاء الله يلـقـاه
مايـكـون شــئ الا الـولـي عـنـه داري
يالله ياللـي كــل مــن ضــاق نـاجـاه
يافـارج(ن)لـيـوب عــقــب الــعــزاري
ياعالم(ن)بالـغـيـب مـاشــي يـخـفــاه
والنـفـس يـقـراء غيـبـهـا والـطــواري
تــفــرج لعيـن(ن)نـومـهـا مـاتـهـنــاه
وقلـب(ن)لـه بالـيـوم مـلـيـون طـــاري
وقت(ن)تـغـيـر بـتـجـاهـه ومـمـشــاه
درب اليمـيـن الـيــوم حـــول يـســاري
وصـارت طيـوره تشتبـه فــي مـزايـاه
تــرم الرقـيـعـي تحسـبـنـه خـضــاري
وبعـض الرجـال يقـول هرجـه بعميـاه
ومن كثر مايكسح على الكسح ضاري
والرجـل واضـح ينعـرف مـن حكـايـاه
الـحـكـي لـرجــال عـــرف ومــــواري
ومــن مايـعـز وتفـعـل الطـيـب يمـنـاه
عسـى طريقـه فــي طـريـق أنتـحـاري
ولـصـار متـسـاوي مـمـاتـه ومـحـيـاه
ودك تـحـذفـه فـــي خـلــي الـبــراري
والطـيـب قــول وفـعـل يالـلـي تمـنـاه
وعـزي لمـن ذكـره مـن الطيـب عـاري
ويــلام مــن يـقـدر ولا الطـيـب ســـواه
ولا تنـقـبـل غـيـبـه بـالـيـا أعـتــذاري
الطـيـب ضـلـع طـويـق صعب(ن)مـعـداه
صعب(ن)على من هـاب درب الخطـاري
ودربـيـن معـروفـيـن مـابــه مـــراواه
طـيـب وردا والـرجـل حــر أخـتـيـاري
يمشـي عـلـى مـاتـود نفـسـه وتبـغـاه
ممـشـا ظــلام اللـيـل غـيـر الـنـهـاري
والطيب حسنه وأكـرم الله مـن أعطـاه
والا الــــردا ســئــه وجـو(ن)غـبــاري
وكل(ن)علـى فعلـه ليـا مــات يـجـزاه
والله خـلــق لـلـنـاس جـنــه ونــــاري
ومـن ماطلـب ربـه وفـي دينـه ارضــاه
العـمـر مـاهـو دايــم الـــدوم جـــاري
ياللـي تشكـى مــن زمـانـك وذكــراه
الـوقــت عـبــره واللـيـالـي مـســاري
كم واحد(ن)ماجت علـى الكيـف دنيـاه
دايـــم وحـظــه بالـحـيـاه أنــحــداري
وتــرا الـزمـن مـاهـو بكيـفـك تمـطـاه
أن طـاعـلــك والا تـطـيـعـه اجــبــاري
يا كم حسـاب(ن)دون الاخطـا حسبنـاه
وفيـهـا وقعـنـا ماحمـتـنـا الـمــداري
والادمــي أن كـــان مـــا ربـــه أذراه
ماعـاد ألــه عــن دبــرت الله مــذاري